Kamakailan lamang ay nagdaos ng isang espesyal at makabuluhang selebrasyon sa Bacoor Strike Gymnasium para sa ating mga minamahal na nakatatanda. Pinangunahan ng City Social Welfare and Development Office (CSWD) at Bacoor LGU ang nasabing pagdiriwang na layuning ipakita ang malasakit at pagmamahal sa mga nakatatandang mamamayan ng Bacoor.
Kasama sa nasabing selebrasyon sina Mayor Strike B. Revilla, Ms. Liliane Ugalde (CSWD Head), at Atty. Venus De Castro (OSCA Head). Dumalo rin ang mahigit 2,000 na nakatatandang mamamayan mula sa Barangay Panapaan 4 at Barangay Niog.
Layunin ng selebrasyong ito na magbigay ng espesyal na pamaskong regalo at kaligayahan sa mga nakatatanda ng Bacoor. Nagkaroon din ng raffle draw kung saan nagbigay ng tig-500 at tig-1000 piso si Mayor Strike. Hindi lang doon nagtapos ang pagmamahal, dahil binigyan din ng 1,000 piso ang lahat ng nakatatandang dumalo bilang tulong mula sa Bacoor LGU.
Bilang karagdagan, pinaalala rin ni Mayor Strike na ang Libreng Sine ay ibinalik na tuwing Lunes sa SM Malls, partikular sa SM City Bacoor at SM Molino. Ito ay isang karagdagang pagkakataon para sa mga nakatatanda na mag-enjoy ng libreng palabas sa mga nasabing malls.
Naganap ang selebrasyong ito noong ika-9 ng Disyembre 2023 sa Bacoor Strike Gymnasium. Ipinakita nito ang pagkakaisa at malasakit ng buong komunidad para sa ating mga minamahal na nakatatanda. Sa pamamagitan ng mga ganitong aktibidad, patuloy na pinahahalagahan ang mga nakatatandang mamamayan na may malaking kontribusyon sa ating lipunan.
Please like and follow our official social media accounts:
Instagram: https://www.instagram.com/citygovtbacoor/
StrikeAsOne Viber Community: https://invite.viber.com/…
Maraming salamat po.
