Binuksan ni Editha M. Atendido, Schools Diviaion Superintendent ang programa na naglalayong magbigay-pagkilala ang mga guro ng Bacoor. Nagsalita rin sa pagtitipon sina City Councilor Victorio L Guerrero, Jr., Chairperson ng Committee on Education ng Office of the Sangguniang Panglungsod; Congresswoman Lani Mercado-Revilla; Vice Mayor Rowena Bautista-Mendiola; at Mayor Strike B. Revilla.
Naging mas makabuluhan pa ang pagtitipon na ito sa pagdalo ni Atty. Alberto T. Escobarte, Regional Director ng Department of Education (DepEd) ng Region IV-A bilang guest speaker. Nakibahagi rin ang panauhing pandangal sa recognition ng mga service awardees na sina Maricel R. Herrera, President ng Bacoor City Teachers Federation para sa 25 na taong panunungkulan; Dr. Benita R. Borromeo, Principal IV ng Gawaran Elementary School para sa 30 taong panunungkulan; at Anthony Zeus C. Caringal, Education Program Supervisor in Mathematics para sa 40 na taong panunungkulan.
Nagkaroon din ng raffle na pinangunahan ni Dr. Edwin Bunao, Education Program Specialist II at nagbigay din ng mensahe si Lerma Labrador-Flandez, Assistant Schools Division Superintendent. Naging makabuluhan ang kabuuan ng programa para sa mga Bacoor Educators na nakibahagi sa community singing na pinangunahan ni Dr. Michael M. Acuna, Education Program Supervisor-Kindergarten. Tunay ngang damang-dama na ang kapaskuhan at patuloy nating ipagdiwang ang pagkahuwaran ng mga guro sa bawat paaralan.
