Punong-puno ng kasiyahan at pagdiriwang ang isinagawang pagtitipon para sa ika-54 kaarawan ni Mayor Strike B. Revilla sa ginanap na 18th General Assembly ng mga City Employees ng Pamahalaang Lungsod ng Bacoor. Ito ay hindi lamang isang simpleng okasyon kundi isang pagkakataon upang iparating ang taos-pusong pasasalamat at pagkilala sa kanyang natatanging dedikasyon at serbisyo sa Lungsod.
Sa kanyang kaarawan, personal na nagpahayag si Mayor Strike ng kanyang lubos na pasasalamat sa mga kawani ng Pamahalaan para sa kanilang walang sawang sakripisyo at serbisyo sa mga mamamayan ng Bacoor. Bilang pagkilala sa kanilang dedikasyon, naghandog siya ng mga pa-raffle na siyang kinagiliwan ng mga empleyado.
Sa pangkalahatan, ang masayang pagdiriwang na ito ay nagdala ng positibong enerhiya at inspirasyon para sa patuloy na paglilingkod at pag-unlad ng Lungsod ng Bacoor sa ilalim ng pamumuno ni Mayor Strike B. Revilla.
