Barangay Sinbanali – Sa isang masayang okasyon, idinaos ang blessing at inauguration ng bagong SINBANALI Multi-Purpose Hall.
Ang pagdiriwang na ito ay pinangunahan ni Mayor Strike B. Revilla kasama ang City Engineering Office ng Bacoor City.
Naroon din ang mga pinuno ng Lungsod na sina Vice Mayor Rowena Bautista Mendiola, Councilor Karen Sarino-Evaristo, Councilor Adriel Gawaran, Councilor Alex Felizardo Gutierrez, PLtCol. John Paulo Carracedo (Chief of Police Bacoor), LNB Vice President Coun. Randy Francisco, at Architect Maricon De Castro ng City Engineering Office.
Kasama rin sa pagdiriwang ang mga opisyal ng Barangay Sinbanali na pinamumunuan ni Kap. Caridad “Caring” Sanchez at ang mga konsehal. Kasama rin ang SK Chairperson Juanise Ignacio at ang mga miyembro ng konseho.
Nagbigay-pugay rin ang mga bisita, kasama na ang RFK Builders at si Mr. Billy Felizardo, sa pagtatayo ng bagong Multi-Purpose Hall.
Ito ay isa sa mga mahahalagang proyekto ng lungsod na naglalayong magbigay ng mas magandang pasilidad para sa mga mamamayan ng Barangay Sinbanali. Ang bagong Multi-Purpose Hall ay magbibigay ng mas malawakang espasyo para sa mga aktibidad ng barangay at iba pang mga pampublikong gawain.
Nagpapasalamat ang mga opisyal at mga residente ng Barangay Sinbanali sa suporta at tulong ni Mayor Strike B. Revilla at Vice Mayor Rowena Bautista-Mendiola katuwang ang City Engineering Office at iba pang mga kasama sa pagpapatayo ng bagong Barangay Hall. Ito ay patunay na patuloy ang pag-unlad at paglago ng lungsod ng Bacoor.
Naganap ang okasyon noong ika-14 ng Marso 2024, bandang alas 10 ng umaga.
Please like and follow our official social media accounts:
Instagram: https://www.instagram.com/citygovtbacoor/
StrikeAsOne Viber Community: https://invite.viber.com/…
STRIKETV Facebook Page
STRIKETV Youtube account
Maraming salamat po.
