April 25, 2024 – Isang mapagkalinga na gawain ang isinagawa ng City Social Welfare and Development (CSWD) kasama ang tanggapan ng ating Mayor Strike B. Revilla para sa mga biktima ng sunog sa Barangay Bayanan.
Sa tulong ng City Government of Bacoor, pinangunahan nina Mayor Strike B. Revilla, Vice Mayor Rowena B. Mendiola, Councilor Alde Pagulayan, at Vice President ng Liga ng mga Barangay (LNB) na si Kap Randy Francisco ang pamamahagi ng mga relief packs at tulong pinansyal.
Ang aktibidad na ito ay layong maibsan ang hirap at pangangailangan ng mga pamilyang naapektuhan ng sunog sa Barangay Bayanan. Sampung pamilya ang nabigyan ng tulong, na naglalaman ng mga relief packs na nagtatampok ng mga pagkain at iba pang pangunahing pangangailangan. Bukod pa rito, nagbigay rin ng tulong pinansyal upang mabawasan ang pinsala dulot ng sunog.
Sa pamamagitan ng mga ganitong pagkilos, ipinapakita ng City Government of Bacoor ang kanilang malasakit at pag-aalala sa mga mamamayan. Ang pagbibigay ng tulong sa mga biktima ng sunog ay patunay ng kanilang dedikasyon sa paglilingkod at pag-alalay sa mga nangangailangan.
Please like and follow our official social media accounts:
Instagram: https://www.instagram.com/citygovtbacoor/
StrikeAsOne Viber Community: https://invite.viber.com/…
STRIKETV Facebook Page
STRIKETV Youtube account
Maraming salamat po.
