Bulwagan ng Liga ng Barangay – Pebrero 9, 2024, pinangunahan ng Tanggapan ng Punong Lungsod ang isang pagpupulong na naglalayong magkamustahan at magbahagi ng mga plano at proyekto ni Mayor Strike B. Revilla sa mga dating opisyal ng barangay. Ang mga dumalo sa pagtitipon na ito ay kinabibilangan ng mga dating kapitan at dating barangay secretary ng Bacoor.
Ang layunin ng pagtitipon ay upang magkaroon ng pagkakataon ang mga dating opisyal na makabalita sa mga plano at proyekto ng kasalukuyang Punong Lungsod. Nais ni Mayor Strike B. Revilla na personal na maipahayag ang kanyang mga adhikain at magkaroon ng pagkakataon na marinig ang mga mungkahi at suhestiyon ng mga dating kasamahan sa paglilingkod. Ang mga dating kapitan at dating barangay secretary ay naging malaking tulong sa pag-unlad ng lungsod, kaya’t mahalaga ang kanilang opinyon at suporta.
Sa pamamagitan ng pagtitipon na ito, napatunayan ng mga dating kapitan at dating barangay secretary ang kanilang patuloy na suporta at dedikasyon sa paglilingkod sa bayan. Nagpahayag rin sila ng kanilang pasasalamat kay Mayor Strike B. Revilla sa pagkakataon na makapagbahagi ng kanilang mga saloobin at mungkahi. Sa huli, nagpahayag ng pag-asa at determinasyon ang lahat na magtulungan at magpatuloy sa pagpapaunlad ng Bacoor City.
