Ang aktibidad ay binuksan ni Vice Mayor Rowena Mendiola Bautista na nagpahatid ng mensahe ng inspirasyon sa lahat ng Bacooreño at mga panauhinh dumalo sa aktibidad. Inilatag ni Ms. Siey Navarro, Project Manager ng OMNIPAY Incorporated ang features ng Special Bacoor Residents’ Card. Nag-iwan naman ng mensahe ng motibasyon si Mr. Edwin Glindro, Deputy General ng Philippine Chamber of Commerce and Industry. Pinangunahan naman ni Mr. Benjamin Angelo S. Gumboc, Jr ang diskusyon tungkol sa Marketing Opportunities at Challenges with Social Media upang mas lumawak ang kaalaman ng mga Bacooreño ukol sa e-commerce at digital marketing. Ibinahagi naman ni Ms. Carmelita F. Gawaran, OIC-City Livelihood and Development Office at Manager ng Go Negosyo Bacoor Center ang mga programang pangkabuhayan ng REVILLA Center at nagbigay ng ilang paalala at tips sa pagtatayo ng negosyo sa gitna ng pandemya. Mas pinalawak din ng aktibidad ang kaalaman ng mga Bacooreño tungkol sa Go Negosyo Center, DTI business name registration, at Barangay Micro Business Enterprises (BMBEs) sa tulong nina Dir. Revelyn A. Cortez, Provincial Directir ng DTI-Cavite at Assistant Secretary Dominic Tolentino mula sa Regional Operations Group ng DTI. Dumalo rin si Doc. Abraham De Castro, Department Head ng Public Employment Service Office (PESO)-Bacoor na nagbahagi tungkol sa Pre-Employment Services ng kanilang tanggapan. Sa mensahe ni Mayor Strike B. Revilla, binigyang-diin nito ang kakayahan ng bawat Bacooreño sa larangan ng pagnenegosyo at gamitin ang mga natutunan upang maging mga matagumpay na mamamayan ng lungsod.
Ang summit na ito ay ginawang posible sa pangunguna ng City Government of Bacoor, Local Economic Development and Investments Promotion Office (LEDIPO) sa pamumuno ni Ms. Khei Sanchez, at ng Business Permit Licensing Office (BPLO) na pinamumunuan naman ni Mr. Christian Gawaran
