Hindi na mapipigilan ang pag-usad ng modernisasyon sa hanay ng transportasyon sa Lungsod ng Bacoor.

 Kaninang umaga ay inilunsad ang Dating TODA, Ngayon DYIP Na PUV Modernization Program na pinangunahan nina Mayor Lani Mercado Revilla, CDA-Regional Director Salvador Valeroso, LTFRB Regional Director Col. Renwick Rutaquio, at LTFRB Chairman Atty. Martin Delgra III. Ginanap din ang lagdaan para sa Memorandum of Agreement sa pagitan ng GET Philippines at City of Bacoor TODA Multipurpose and Transport Service Cooperative. Lumagda sa MOA sina Anthony Dy, Managing Director ng GET Philippines, at Rosie Calosa, Chairperson ng City of Bacoor TODA Multipurpose and Transport Service Cooperative. Kabilang sa turnover ceremony ang Mahindra Supro Modern Jeepney.