Bacoor City, Oktubre 22, 2024 – Ang City Government of Bacoor, sa pamumuno ni Mayor Strike B. Revilla, ay nagbigay ng tulong pinansyal at food packs sa 60 Informal Settler Families (ISF) na nasa ilalim ng Mandamus, na lilipat sa Naic, Cavite. Ang event na ito ay inorganisa ng Housing Urban Development & Resettlement Department (HUDRD) na pinamumunuan ni Atty. Aimee T. Neri.
Naganap ang pamamahagi sa Bacoor City Hall Main Lobby at dinaluhan nina Mayor Strike B. Revilla, Vice Mayor Rowena B. Mendiola, mga miyembro ng Sangguniang Panlungsod, at ang Team Revilla.
Ang tulong pinansyal at food packs ay bahagi ng programa ng lungsod para suportahan ang mga pamilyang lumilipat sa ibang lugar. Ito ay naglalayong makatulong sa kanila na maayos na makapag-adjust sa kanilang bagong tahanan.
“We want to ensure that our informal settlers are provided with the necessary support as they transition to their new homes,” pahayag ni Mayor Revilla. “This financial assistance and food packs are a small way of helping them get settled and start anew.”
Ang pamamahagi ng tulong ay isang patunay ng dedikasyon ng City Government of Bacoor sa pag-aalaga sa kapakanan ng lahat ng mga residente, maging ang mga informal settlers.
Please like and follow our official social media accounts:
Instagram: https://www.instagram.com/citygovtbacoor/
StrikeAsOne Viber Community: https://invite.viber.com/…
STRIKETV Facebook Page
STRIKETV Youtube account
Maraming salamat po.
