Sa isang okasyon, naghandog ang Bureau of Jail Management and Penology (BJMP) Female Dormitory ng isang natatanging regalo para kay minamahal na Mayor Strike B. Revilla. Ang nasabing regalo ay isang Mandala Painting na gawa ng mga PDL na mga babae mula sa BJMP Female Dormitory.
Naganap ang pagbisita sa tanggapan ng ating Mayor noong ika-18 ng Marso, 2024. Tinanggap ni Mayor Strike B. Revilla ang handog mula sa BJMP Female Dormitory. Ang mga opisyal ng BJMP na nag-abot ng regalo ay sina JCINSP JOY ANNE C PASCUAL kasama sina SJO2 Ma Ruby S Nequinto, JO2 Rho-Anne Claire Daniel, JO1 Lota C Bejuna, at JO1 Ameurfina Martinez III.
Ang layunin ng pagtitipon ay upang magbigay ng pasasalamat at pagkilala kay Mayor Strike B. Revilla sa kanyang kaarawan. Ang Mandala Painting na handog ng BJMP Female Dormitory ay isang espesyal na likhang sining na gawa ng mga bilanggong babae. Ito ay simbolo ng pagkakaisa at pagmamahal.
Sa kanyang mensahe, ipinahayag ni Mayor Strike B. Revilla ang kanyang pasasalamat sa BJMP Female Dormitory sa kanilang natatanging regalo. Binigyang-diin niya ang kahalagahan ng pagkakaisa at pagtutulungan sa pag-unlad ng ating lungsod.
Ang espesyal na okasyong ito ay nagpapakita ng pagkakaisa at pagmamahal ng mga mamamayan ng ating Lungsod kay Mayor Strike B. Revilla. Ito ay patunay na ang liderato ni Mayor Strike ay patuloy na nagbibigay-inspirasyon at nagtatagumpay sa paglilingkod sa ating komunidad.
Sa ating minamahal na Mayor Strike B. Revilla, maligayang kaarawan! Patuloy naming susuportahan ang inyong liderato at magtutulungan para sa ikauunlad ng ating Lungsod. Mabuhay ang BJMP Female Dormitory at ang lahat ng mga nagmamahal at naglilingkod sa ating komunidad!
Please like and follow our official social media accounts:
Instagram: https://www.instagram.com/citygovtbacoor/
StrikeAsOne Viber Community: https://invite.viber.com/…
STRIKETV Facebook Page
STRIKETV Youtube account
Maraming salamat po.
