**Parokya ng Our Lady Queen of Peace, Brgy. Queensrow West, Bacoor City – Hunyo 11, 2026** — Nagsagawa ang Pamahalaang Lungsod ng Bacoor, sa pangunguna ni Punonglungsod Strike B. Revilla, ng isang **Libreng Binyag** para sa mga batang Bacooreño bilang bahagi ng patuloy na pagsisikap ng lokal na pamahalaan na maghatid ng mga serbisyong may malasakit sa mamamayan.
Ang programa ay isinakatuparan sa pamamagitan ng **Tanggapan ng City Civil Registry (CCR)** sa pamumuno ni Atty. Oliver Agustin at ginanap sa Parokya ng Our Lady Queen of Peace sa Barangay Queensrow West.
Pinangunahan ni Mayor Strike B. Revilla ang aktibidad kasama sina Konsehal Rey Palabrica, Padre Jessie James Avenido, Kura Paroko ng Our Lady Queen of Peace, Kapitan Theodore Montes ng Barangay Queensrow East, Kapitan Armando Obligacion ng Barangay Queensrow Central, at mga opisyal ng Barangay Queensrow West.
Dumalo rin sa programa ang mga magulang, ninong at ninang, at mga kamag-anak ng mga batang tatanggap ng sakramento ng binyag. Naging katuwang sa matagumpay na pagsasagawa ng aktibidad ang mga kawani ng City Civil Registry, mga Extraordinary Ministers of Holy Communion, mga katekista, at iba pang kawani ng lokal na pamahalaan.
Sa kabuuan, **93 bata** ang nabinyagan at pormal na tinanggap sa pananampalatayang Kristiyano sa pamamagitan ng sakramento ng binyag.
Layunin ng programang Libreng Binyag na mabigyan ng pagkakataon ang mga pamilyang Bacooreño na maipabinyag ang kanilang mga anak nang walang karagdagang gastusin. Bukod sa aspetong espiritwal, nakatutulong din ang programa sa mga magulang sa pagproseso ng mahahalagang dokumentong kinakailangan para sa kanilang mga anak sa hinaharap.
Patunay ang programang ito ng patuloy na pangako ng Pamahalaang Lungsod ng Bacoor na suportahan hindi lamang ang materyal na pangangailangan ng mamamayan kundi maging ang kanilang espiritwal at panlipunang kapakanan. Sa pamamagitan ng mga programang tulad nito, higit na napapalakas ang ugnayan ng pamahalaan, simbahan, at komunidad tungo sa pagbuo ng mas maunlad at mapagkalingang lungsod para sa lahat.
📣 Stay connected with the City of Bacoor!
Please like, follow, and subscribe to our official social media accounts for updates, announce and programs:
🔵 Facebook: https://www.facebook.com/CityGovtBacoor/
🎵 TikTok: https://www.tiktok.com/@citygovtbacoor
📸 Instagram: https://www.instagram.com/citygovtbacoor/
▶️ YouTube: https://www.youtube.com/@citygovtbacoor
📺 BACOORTVCHANNEL
• Facebook Page: https://www.facebook.com/profile.php?id=61553693151540
• YouTube Channel: https://youtube.com/@striketvchannel?si=eY1ihGqrATCLvhxd
Maraming salamat po sa patuloy na suporta! 💙
#CityGovtOfBacoor
#SaBacoorAtHomeKaDito
